ເງື່ອນໄຂຂອງຜູ້ສະໝັກ

ຜູ້ທີ່ສາມາດສະໝັກເອົາທຶນ UWC ປີ 2025-2027 ໄດ້ແມ່ນຈະຕ້ອງມີເງື່ອນໄຂຄັດເລືອກຂ້າງລຸ່ມນີ້:

• ຖືສັນຊາດລາວ.
• ເກີດໃນໄລຍະວັນທີ 01 ເມສາ 2007 ຫາ 15 ສິງຫາ 2010.
• ສຳລັບນັກຮຽນທີ່ຈະສະໝັກທຶນ ມ.5-ມ.7: ແມ່ນຕ້ອງເປັນນັກຮຽນ ແລະ ຮຽນຈົບຊັ້ນ ມໍ4 ກ່ອນເດືອນສິງຫາ 2025 ກ່ອນຈະເຂົ້າຮຽນກັບ UWC. (ເຖິງແມ່ນວ່າຜູ້ສະໝັກຈະຢູ່ໃນເກນອາຍຸ, ແຕ່ຖ້າຫາກວ່າຜູ້ສະໝັກບໍ່ແມ່ນນັກຮຽນຊັ້ນມັດທະຍົມປາຍ ແມ່ນບໍ່ສາມາດສະໝັກໄດ້)
• ສຳລັບນັກຮຽນທີ່ຈະສະໝັກທຶນ ມ.6-ມ.7: ຕ້ອງເປັນນັກຮຽນຊັ້ນມັດທະຍົມປາຍ.  ສຳລັບຜູ້ທີ່ກຳລັງຮຽນຢູ່ ມໍ5 ແມ່ນຕ້ອງຮຽນຈົບຊັ້ນ ມໍ5 ກ່ອນເດືອນສິງຫາ 2025 ກ່ອນຈະເຂົ້າຮຽນກັບ UWC. (ເຖິງແມ່ນວ່າຜູ້ສະໝັກຈະຢູ່ໃນເກນອາຍຸ, ແຕ່ຖ້າຫາກວ່າຜູ້ສະໝັກບໍ່ແມ່ນນັກຮຽນຊັ້ນມັດທະຍົມປາຍ ແມ່ນບໍ່ສາມາດສະໝັກໄດ້)

ການສະໝັກທຶນລວມມີເອກະສານໃດແດ່

​ໃບສະໝັກທີ່ສົມບູນແບບຕ້ອງ​ປະ​ກອບ​​ມີ ທຸກ ເອກະສານທີ່ລະບຸໄວ້​ດັ່ງຕໍ່ໄປນີ້:

1. ແບບຟອມສະໝັກທຶນ UWC (ສາມາດດາວໂຫຼດໄດ້ທີ່ນີ້  ຈົນເຖິງວັນທີ 5 ມັງກອນ 2025)

2. ໃບຢັ້ງຢືນດ້ານການຮຽນ: ຈາກຜູ້ອຳນວຍການໂຮງຮຽນ ຫຼື ຄູທີ່ຮູ້ຈັກນັກຮຽນເປັນຢ່າງດີ. (ທາງເຮົາມີແບບຟອມຕົວຢ່າງທີ່ຜູ້ສະໝັກສາມາດນຳໃຊ້ໄດ້, ສາມາດດາວໂຫຼດໄດ້ທີ່ນີ້)

3. ໃບຢັ້ງຢືນທົ່ວໄປ: ຈາກຜູ້ທີ່ຮູ້ຈັກນັກຮຽນດີ ໂດຍສະເພາະເວລາເຮັດກິດຈະກຳນອກໂຮງຮຽນ ຫຼື ການເຂົ້າຮ່ວມກຸ່ມໃດໜຶ່ງນອກໂຮງຮຽນ. (ທາງເຮົາມີແບບຟອມຕົວຢ່າງທີ່ຜູ້ສະໝັກສາມາດນຳໃຊ້ໄດ້, ສາມາດດາວໂຫຼດໄດ້ທີ່ນີ້)

4. ໃບຄະແນນ: ນັກຮຽນທຸກຄົນຕ້ອງສົ່ງໃບຄະແນນຍ້ອນຫຼັງ 2 ປີ ຈົນຮອດສົກຮຽນປະຈຸບັນ (ສົກຮຽນ 2023-2024). ຖ້າຫາກຍັງບໍ່ທັນເສັງພາກຮຽນ I ແມ່ນໃຫ້ເອົາຄະແນນປະຈຳເດືອນຂອງພາກຮຽນທີ I. (ຖ້າເປັນພາສາອັງກິດຈະເປັນການດີ ແຕ່ບໍ່ຈຳເປັນ).

   1. ສຳລັບນັກຮຽນຊັ້ນມ.4: ສົ່ງໃບຄະແນນ ມ.2-ມ.4 (ຖ້າຫາກຍັງບໍ່ທັນເສັງພາກຮຽນ I ແມ່ນໃຫ້ເອົາຄະແນນປະຈຳເດືອນຂອງພາກຮຽນທີ I ຂອງມ.4)

   2. ສຳລັບນັກຮຽນຊັ້ນມ.5: ສົ່ງໃບຄະແນນ ມ.3-ມ.5 (ຖ້າຫາກຍັງບໍ່ທັນເສັງພາກຮຽນ I ແມ່ນໃຫ້ເອົາຄະແນນປະຈຳເດືອນຂອງພາກຮຽນທີ I ຂອງມ.5)

   3. ສຳລັບນັກຮຽນຊັ້ນມ.6: ສົ່ງໃບຄະແນນ ມ.4-ມ.6 (ຖ້າຫາກຍັງບໍ່ທັນເສັງພາກຮຽນ I ແມ່ນໃຫ້ເອົາຄະແນນປະຈຳເດືອນຂອງພາກຮຽນທີ I ຂອງມ.6)

   4. ສຳລັບນັກຮຽນຊັ້ນມ.7: ສົ່ງໃບຄະແນນ ມ.5-ມ.7 (ຖ້າຫາກຍັງບໍ່ທັນເສັງພາກຮຽນ I ແມ່ນໃຫ້ເອົາຄະແນນປະຈຳເດືອນຂອງພາກຮຽນທີ I ຂອງມ.7)

5. ໃບຄະແນນຈົບຊັ້ນ ມໍ4 ຫຼື ທຽບເທົ່າລະດັບສາກົນ (ສຳລັບນັກຮຽນທີ່ຈະສະໝັກທຶນ ມ.6-ມ.7) ທີ່ເປັນທາງການຈາກໂຮງຮຽນ (ຖ້າເປັນພາສາອັງກິດຈະເປັນການດີ ແຕ່ບໍ່ຈຳເປັນ). 

ໝາຍເຫດ:

1. ໃບຄະແນນຈົບຊັ້ນຕັ້ງແຕ່ມໍ 4 ຈົນຮອດປະຈຸບັນ, ຕ້ອງມີກາຈ້ຳໂຮງຮຽນ. ນັກ​ຮຽນສາມາດສະແກນປຶ້ມຕິດຕາມທີ່ມີຄະແນນ ແລະ ກາຈ້ຳຈາກໂຮງຮຽນໄດ້.
2. ສຳລັບຜູ້ສະໝັກທີ່ບໍ່ສົ່ງເອກະສານທີ່ລະບຸໄວ້ຂ້າງເທິງ ຫຼື ເອກະສານທີ່ສົ່ງມາແມ່ນບໍ່ຄົບຕາມທີ່ໄດ້ລະບຸໄວ້ ແມ່ນຈະຖືກຕັດສິດໃນການສະໝັກເອົາທຶນໂດຍອັດຕະໂນມັດ.